Rregullon formën dhe pozicionin e nofullës për një profil më harmonik dhe funksion të përmirësuar.
Mjekra e dyfishtë ndodh si rezultat i relaksimit të muskujve të sheshtë në qafë dhe krijimit të depozitave yndyrore dhe depozita të tilla yndyrore jo-estetike në fytyrë dhe qafë i bëjnë shumë njerëz të pakënaqur. Shfaqja e depozitave të tilla shoqërohet me trashëgimi, pasojë e plakjes, shpesh shoqërohet me shtim të tepërt të peshës, por gjithashtu ndodhë tek njerëzit që nuk janë të prirur për shtimin e peshës.
Korrigjimi i nofullës, i njohur edhe si kirurgjia ortognatike, është një procedurë kirurgjikale që përmirëson pozicionin dhe funksionin e nofullës së sipërme dhe të poshtme. Ky operacion kryhet për të korrigjuar problemet e kafshimit, çrregullimet e përtypjes, dhe asimetrinë e fytyrës. Kirurgjia ortognatike ndihmon në përmirësimin e funksionit të gojës dhe në krijimin e një pamje më harmonike të fytyrës.
Kandidatët për kirurgji ortognatike janë individët që kanë probleme me kafshimin, përtypjen, ose asimetrinë e fytyrës, probleme të cilat kërkojnë korrigjim kirurgjikal. Gjendja e përgjithshme shëndetësore duhet të jetë e mirë dhe individët duhet të kenë pritshmëri realiste për rezultatin. Procedura kryhet zakonisht tek individët që kanë përfunduar zhvillimin e tyre të plotë, zakonisht pas moshës 18 vjeç.
Para operacionit, do të keni një konsultë të detajuar me kirurgun dhe ortodontin për të diskutuar objektivat dhe për të vlerësuar shëndetin tuaj të përgjithshëm. Para operacionit, duhet të ndiqni udhëzimet e mjekut për përgatitjen, që mund të përfshijë ndalimin e pirjes së duhanit dhe përdorimin e barnave anti-inflamatore disa javë përpara procedurës. Analizat e nevojshme dhe skanimet e nofullës do të kryhen për tu siguruar që jeni një kandidat i përshtatshëm për operimin.
Procedura zakonisht kryhet nën anestezi të përgjithshme. Kirurgu bën prerje të vogla brenda gojës për të qasur nofullën dhe për të bërë ripozicionimin e saj. Shpeshherë, përdoren pllaka metalike dhe vida për të mbajtur nofullën në vendin e ri. Prerjet më pas mbyllen me qepje të holla që minimizojnë shenjat. Operimi zakonisht zgjat nga dy deri në katër orë, në varësi të kompleksitetit të rastit.
Pas operacionit, pacientët mund të përjetojnë enjtje dhe dhimbje për disa ditë deri në disa javë. Kompresat e ftohta dhe ngritja e kokës gjatë gjumit mund të ndihmojnë në reduktimin e enjtjes. Shumica e njerëzve janë në gjendje të kthehen në aktivitetet normale brenda dy deri në katër javë, megjithëse shërimi i plotë dhe adaptimi i nofullës në pozicionin e ri mund të zgjasë disa muaj.
Është e nevojshme të ndiqni të gjitha udhëzimet e kërkuara gjatë rikuperimit. Të mos e heqni fashën e kompresuar vet, gjatë pushimit duhet të qëndroni në një pozicion të ngritur, të merrni ilaçet ë përshkruara dhe të vazhdoni me kontrolle të rregullta dhe ndërrim fashe, për të zvogëluar në minimum komplikimet e mundshme.
