Filler

FILLER (Acid Hialuronik)

Filler-at me acid hialuronik janë një trajtim modern, jo-kirurgjik që synon rikthimin e volumit, formësimin e kontureve dhe përmirësimin e cilësisë së lëkurës, duke ruajtur një pamje natyrale dhe harmonike.

‍RRETH PROCEDURËS

Filler-at përbëhen nga acid hialuronik, një substancë që gjendet natyralisht në trup dhe ka aftësi të lartë për të lidhur ujin. Injektimi i tij në zona të caktuara të fytyrës ndihmon në:

• mbushjen e rrudhave dhe brazdave të thella
• rikthimin e volumit të humbur
• përmirësimin e kontureve të fytyrës
• hidratimin dhe përmirësimin e strukturës së lëkurës

Trajtimi është i personalizuar sipas anatomisë së fytyrës dhe nevojave individuale të pacientit.

‍A JAM UNË KANDIDAT?

Kandidat për trajtimin me filler janë personat që:

• kanë humbje volumesh në fytyrë
• kanë rrudha ose brazda të theksuara
• dëshirojnë definim më të mirë të buzëve, faqeve ose nofullës
• kërkojnë përmirësim estetik pa kirurgji
• janë në gjendje të mirë shëndetësore

Filler-at mund të përdoren në fytyrë, buzë, faqe, nofull, hundë (rinomodelim jo-kirurgjik), rreth syve dhe duar.

‍SI TË PËRGATITENI?

Përgatitja është e thjeshtë. Gjatë konsultës:

• vlerësohet struktura e fytyrës dhe zonat që do të trajtohen
• përcaktohet lloji dhe sasia e filler-it
• jepen udhëzime para procedurës

Në disa raste, rekomandohet shmangia e medikamenteve që rrisin gjakderdhjen disa ditë para trajtimit.

‍GJATË PROCEDURËS

Trajtimi me filler kryhet në kushte ambulatore dhe zgjat mesatarisht 20–40 minuta.

Gjatë procedurës:

• përdoren gjilpëra shumë të holla ose kanula
• shumica e filler-ave përmbajnë anestetik lokal për rehati
• procedura është minimale në dhimbje

Rezultati është i dukshëm menjëherë pas trajtimit.

‍KOHA E RIKUPERIMIT

Rikuperimi është i shpejtë. Mund të shfaqen:

• ënjtje ose skuqje e lehtë
• mavijosje të vogla në vendin e injektimit

Këto zakonisht zhduken brenda disa ditësh. Efekti i filler-it zgjat mesatarisht 9–18 muaj, varësisht nga lloji i produktit dhe zona e trajtuar.

‍KOMPLIKIMET

Komplikimet janë të rralla kur trajtimi kryhet nga profesionistë të kualifikuar. Ato mund të përfshijnë:

• asimetri të përkohshme
• mavijosje ose ndjeshmëri lokale
• ënjtje të zgjatur në raste të rralla

Gjatë konsultës, doktori juaj do t’ju informojë për rreziqet, kujdesin pas procedurës dhe pritshmëritë reale.

‍